തിരുവനന്തപുരം: യുവതി വീടിനുള്ളിൽ തീ കൊളുത്തി മരിച്ചതിന് കാരണം മാതാവാണെന്ന് ആരോപിച്ച് നാട്ടുകാർ. പനയ്ക്കോടിന് സമീപം പാമ്പൂരില്‍ താമസിക്കുന്ന സുജയുടെ മകൾ ആശയാണ്(21) ഞായറാഴ്ചയാണ് വീടിനുള്ളിൽ തീ കൊളുത്തി മരിച്ചനിലയിൽ കണ്ടെത്തിയത്.
സംഭവത്തില്‍ അമ്മയുടെ ശാരീരിക–മാനസിക പീഡനമാണ് തീകൊളുത്തി മരിക്കാന്‍ കാരണമെന്ന് ആരോപിച്ച് നാട്ടുകാര്‍ പൊലീസില്‍ കൂട്ടപരാതി നല്‍കിയിരിക്കുകയാണ്. ആത്മഹത്യയെന്ന് വീട്ടുകാര്‍ പറയുമ്പോള്‍ അമ്മയുടെ തുടര്‍പീഡനമാണ് അതിന് കാരണമെന്നാണ് അയല്‍ക്കാര്‍ ആരോപിക്കുന്നത്.
ആത്മഹത്യയെന്ന രീതിയിലേക്ക് മാത്രം പൊലീസ് അന്വേഷണം ചുരുങ്ങിയതോടെ സുജയ്ക്കെതിരെ അന്വേഷണം ആവശ്യപ്പെട്ട് നാട്ടുകാർ രംഗത്തെത്തിയത്. സുജയുടെ ആദ്യ വിവാഹത്തിലെ മകളാണ് മരിച്ച ആശ. രണ്ടാം വിവാഹത്തിൽ രണ്ടു കുട്ടികളുണ്ട്.