പനാജി: ഇന്ത്യന് സൂപ്പര് ലീഗില് കേരള ബ്ലാസ്റ്റേഴ്സ് ഫൈനലില്. സെമി ഫൈനല് രണ്ടാംപാദത്തല് ജംഷഡ്പൂര് എഫ്സിയുടെ കനത്ത വെല്ലുവിളി മറികകടന്നാണ് ബ്ലാസ്റ്റേഴ്സ് കലാശപ്പോരിന് യോഗ്യത നേടിയത്. 2016ന് ശേഷം ആദ്യമായിട്ടാണ് ബ്ലാസ്റ്റേഴ്സ് ഫൈനലിലെത്തുന്നത്. തിലക് മൈദാനില് ഇരുവരും ഓരോ ഗോള് നേടി പിരിഞ്ഞെങ്കിലും ആദ്യപാദത്തില് നേടിയ 1-0ത്തിന്റെ ജയം ബ്ലാസ്റ്റേഴ്സിനെ ഫൈനലിലെത്തിച്ചു. ഇരുപാദങ്ങളിലുമായി സ്കോര് 2-1. ഇന്ന് അഡ്രിയാന് ലൂണയാണ് ബ്ലാസ്റ്റേഴ്സിന്റെ ഗോള് നേടിയത്. പ്രണോയ് ഹാള്ഡറാണ് ജംഷഡ്പൂരിന്റെ ഗോള് നേടിയത്.