കോഴിക്കോട് കുറ്റിച്ചിറ കുളത്തിൽ നീന്തൽ പരിശീലനത്തിനിടെ കുട്ടി മുങ്ങി മരിച്ചു. പതിനേഴുവയസുകാരനായ പയ്യാനക്കൽ കപ്പക്കൽ സ്വദേശിയാണ് മരിച്ചത്. ഇന്ന് രാവിലെ 9 മണിയോടെ കുട്ടി കുളത്തിൽ മറുകരയിലേക്ക് നീന്തുന്നതിനിടെയാണ് അപകടം. ഫയർ ഫോഴ്സ് എത്തി കുട്ടിയെ ബീച്ച് ആശുപത്രിയിലേക്ക് മാറിയറ്റിയെങ്കിലും ജീവൻ രക്ഷിക്കാനായില്ല.
നീന്തൽ പരിശീലനത്തിന് സുരക്ഷാ മാനദണ്ഡങ്ങൾ പാലിച്ചില്ലെന്ന് ആരോപണം. നീന്താന്‍ അറിയുന്ന കുട്ടിയാണ് അപകടത്തില്‍പ്പെട്ടതെന്ന് നാട്ടുകാര്‍ പറഞ്ഞു. കുട്ടികള്‍ ഉള്‍പ്പെടെ നിരവധി പേര്‍ കുളത്തില്‍ നീന്തൽ പരിശീലനത്തിന് എത്താറുണ്ട്. എന്നാല്‍ വേണ്ടത്ര സുരക്ഷാ ക്രമീകരണങ്ങള്‍ ഇവിടെ ഇല്ല. 15 മിനുറ്റുകൾക്ക് ശേഷമാണ് കുട്ടിയെ പുറത്തെടുക്കാനായതെന്നും നാട്ടുകാര്‍ പറഞ്ഞു.
