സംസ്ഥാനത്തെ റേഷന് കടകള്ക്ക് ഇന്നും (മന്നം ജയന്തി) അവധി. ജനുവരി മാസത്തെ റേഷന് വിതരണം നാളെ (ശനിയാഴ്ച) ആരംഭിക്കും.
സംസ്ഥാനത്തെ മുന്ഗണനേതര വിഭാഗത്തിലെ വെള്ള, നീല റേഷന് കാര്ഡുകാര്ക്ക് ജനുവരി മാസത്തെ റേഷനൊപ്പം അധികം അരി ലഭിക്കില്ല. അതേസമയം വെള്ള, നീല കാര്ഡുകാര്ക്ക് റേഷന് വിഹിതത്തില് ആട്ട ഉള്പ്പെടുത്തിയിട്ടുണ്ട്.
കഴിഞ്ഞ മാസം വെള്ള കാര്ഡിന് അധിക വിഹിതം കൂടി ചേര്ത്ത് 10 കിലോ അരി ലഭിച്ചിരുന്നു. എന്നാല് ഈ മാസം രണ്ടു കിലോ അരി മാത്രമാകും ലഭിക്കുക. നീല കാര്ഡിലെ ഓരോ അംഗത്തിനും രണ്ടു കിലോഗ്രാം വീതം അരി ജനുവരി മാസത്തില് ലഭിക്കും. കഴിഞ്ഞ മാസം റേഷനു പുറമെ അധിക വിഹിതമായി 5 കിലോ അരി കൂടി ലഭിച്ചിരുന്നു.
