തൊടുപുഴ: ഇടുക്കിയില് സ്കൂള് വിദ്യാര്ഥിനിക്കെതിരെയുള്ള ലൈംഗിക പീഡനം ഒതുക്കാന് ശ്രമം നടത്തിയ സ്കൂള് പ്രിന്സിപ്പല് അറസ്റ്റില്. സ്കൂളിലെ ജീവനക്കാരന് രാജേഷ് പീഡിപ്പിച്ചെന്ന പരാതി പണം നല്കി മറച്ചുവച്ചെന്ന കുറ്റത്തിനാണ് സ്കൂള് പ്രിന്സിപ്പല് ശശികുമാര് അറസ്റ്റിലായത്. വിദ്യാര്ഥിനിയുടെ കുടുംബത്തിന് പ്രതി പണം വാഗ്ദാനം ചെയ്യുന്നതിന്റെ തെളിവുകള് ഒരു പ്രമുഖ ചാനല് പുറത്തുവിട്ടിരുന്നു. രാജേഷ് കുട്ടിയെ കാലങ്ങളായി പീഡിപ്പിച്ചെന്നാണ് പരാതിയില് പറയുന്നത്. ജനുവരി 26നാണ് സ്കൂള് അധികൃതര് ഇടപെട്ട് പോക്സോ കേസ് ഒത്തുതീര്പ്പാക്കിയത്.