കോട്ടയം ഭരണങ്ങാനത്ത് ഒഴുക്കില്പ്പെട്ട വിദ്യാര്ഥിയുടെ മൃതദേഹം കണ്ടെത്തി. പൊരിയത്ത് സിബിച്ചന്റെ മകള് ഹെലൻ അലക്സിന്റെ മൃതദേഹമാണ് കണ്ടെത്തിയത്.
എട്ടാം ക്ലാസ് വിദ്യാര്ഥിനിയാണ്. ഏറ്റുമാനൂരിനു സമീപം മീനച്ചിലാര് വേണാട്ടുമാലി കടവില് നിന്നാണ് മൃതദേഹം കണ്ടെത്തിയത്. ബുധനാഴ്ച വൈകിട്ട് അഞ്ചോടെ ചിറ്റാനപ്പാറയ്ക്ക് സമീപമാണ് സംഭവം. ചിറ്റാനപ്പാറ-അയ്യമ്പാറ റോഡില് മഴവെള്ളപ്പാച്ചിലില് കാല്വഴുതിയ വിദ്യാര്ഥിനി കുന്നനാകുഴി കൈത്തോട്ടിലേക്ക് വീഴുകയായിരുന്നു. പ്രദേശത്ത് കനത്തമഴയായതിനാല് പാലാ അഗ്നിരക്ഷാസേനയും പോലീസും നാട്ടുകാരും ചേര്ന്ന് കണ്ടെത്താനായിരുന്നില്ല. വ്യാഴാഴ്ച രാവിലെയോടെ തിരച്ചില് വീണ്ടും ആരംഭിക്കുകയായിരുന്നു.
മരിയ ഉള്പ്പെടെ രണ്ട് കുട്ടികള് ഓട്ടോറിക്ഷയിലാണ് സംഭവസ്ഥലത്തു വന്നിറങ്ങിയത്. തോട്ടിലെ വെള്ളം റോഡില്ക്കയറി ഒഴുകുകയായിരുന്നു. ഇരുവരും ശക്തമായ ഒഴുക്കില്പെട്ട് റോഡില്തന്നെ വീണു. ഈ സമയം ഇതുവഴി കടന്നുപോയ സ്കൂള്ബസ്സിലെ ഡ്രൈവര് അപകടംകണ്ട് കുട്ടികളെ രക്ഷിക്കാൻ ഓടിയെത്തി പിടിച്ചെങ്കിലും മരിയ പിടിവിട്ട് ഒഴുക്കില്പെടുകയായിരുന്നു.