ചെന്നൈ: ബംഗാൾ ഉൾക്കടലിൽ രൂപമെടുത്ത മിഷോങ് ചുഴലിക്കാറ്റ് ഇന്ന് പുലർച്ചയോടെ കരതൊടുമെന്ന് കാലാവസ്ഥാ മന്ത്രാലയം. ചുഴലിക്കാറ്റിന്റെ പശ്ചതാത്തലത്തിൽ തമിഴ്നാട്ടിൽ അതീവ ജാഗ്രതാ നിർദ്ദേശം നൽകിയിരിക്കുകയാണ്.
ശക്തമായ മഴയിൽ ചെന്നൈ നഗരത്തിൽ വിവിധ ഇടങ്ങളിൽ വെള്ളക്കെട്ട് രൂപപ്പെട്ടിട്ടുണ്ട്. നഗരത്തിൽ വിവിധ ഇടങ്ങളിൽ വൈദ്യുതി ബന്ധം വിച്ഛേദിച്ചിരിക്കുകയാണ്.
മുൻകരുതലിന്റെ ഭാഗമായി ചെന്നൈ അടക്കമുള്ള നാല് ജില്ലകളിൽ സ്വകാര്യ സ്ഥാപനങ്ങൾക്ക് ഉൾപ്പടെ ഇന്ന് പൊതുഅവധി പ്രഖ്യാപിച്ചിരിക്കുകയാണ്. റെഡ് അലേർട്ട് പ്രഖ്യാപിച്ചിരിക്കുന്നതിനാൽ ആരും പുറത്തിറങ്ങരുതെന്നും മുന്നറിയിപ്പുണ്ട്. ഇന്നലെ അർദ്ധരാത്രി മുതൽ ചെന്നൈ നഗരത്തിൽ അടക്കം ശക്തമായ മഴയാണ് പെയ്യുന്നത്.