തിരുവനന്തപുരം: നവ കേരള സദസിനെതിരായ പ്രതിഷേധങ്ങൾക്കിടയിലെ പൊലീസ് നടപടികൾക്കെതിരായ കോൺഗ്രസ് പ്രതിഷേധം ഇന്നും തുടരും. സംസ്ഥാനത്തെ 282 ബ്ലോക്ക് കോണ്ഗ്രസ് കമ്മിറ്റികളിലും ഇന്ന് പ്രതിഷേധ പരിപാടി സംഘടിപ്പിക്കാനാണ് കെ പി സി സി തീരുമാനം. 282 ബ്ലോക്ക് കോണ്ഗ്രസ് കമ്മിറ്റികളുടെയും നേതൃത്വത്തില് ഇന്ന് ഫാസിസ്റ്റ് വിമോചന സദസ് എന്ന പേരില് പ്രതിഷേധ ജ്വാല നടത്തുമെന്നാണ് കെ പി സി സി ജനറല് സെക്രട്ടറി ടി യു രാധാകൃഷ്ണന് വാർത്താക്കുറിപ്പിലൂടെ അറിയിച്ചിട്ടുള്ളത്. കെ പി സി സി പ്രസിഡന്റും പ്രതിപക്ഷ നേതാവുമടക്കമുള്ള നേതാക്കളെല്ലാം പ്രതിഷേധത്തിന്റെ ഭാഗമാകുമെന്നും കെ പി സി സി അറിയിച്ചു.