ബംഗളൂരു: കര്ണാടകയില് വ്യാഴാഴ്ച മുസ്ലിം സംഘടനകള് ബന്ദിന് ആഹ്വാനം ചെയ്തു. ഹിജാബ് വിധിയില് പ്രതിഷേധിച്ചാണ് ബന്ദ്. രാവിലെ ആറ് മുതല് വൈകിട്ട് ആറ് വരെയാണ് ബന്ദ്. കര്ണാടകയിലെ അമീര്-ഇ-ശരിയത്ത് മൗലാന സഗീര് അഹമ്മദ് ഖാന് റഷാദിയാണ് ബന്ദിന് ആഹ്വാനം ചെയ്തിരിക്കുന്നത്. സ്കൂളുകളിലും കോളജുകളിലും ഹിജാബ് ധരിക്കുന്നതിന് വിലക്കേര്പ്പെടുത്തിയ നടപടിക്കെതിരേ സമര്പ്പിച്ച ഹര്ജികള് ചൊവ്വാഴ്ച കര്ണാടക ഹൈക്കോടതി തള്ളിയിരുന്നു. ഹിജാബ് ഇസ്ലാം മതാചാരത്തിലെ അവിഭാജ്യഘടകമല്ലെന്നും യൂണിഫോമിനെ വിദ്യാര്ഥികള്ക്ക് എതിര്ക്കാനാകില്ലെന്നും കാമ്ബസുകളില് സര്ക്കാര് നിഷ്കര്ഷിക്കുന്ന യൂണിഫോം മാത്രമേ ധരിക്കാന് പാടുള്ളൂവെന്നും ചീഫ് ജസ്റ്റീസ് റിതുരാജ് അവാസ്തി അധ്യക്ഷനായ വിശാല ബെഞ്ച് വ്യക്തമാക്കിയിരുന്നു. മൗലികാവകാശങ്ങളുടെ ന്യായമായ നിയന്ത്രണമാണ് യൂണിഫോം. യൂണിഫോമില് നിബന്ധനകള് നിര്ദേശിച്ച സര്ക്കാര് ഉത്തരവ് നിലനില്ക്കും. നിയന്ത്രണം നടപ്പാക്കാന് സര്ക്കാരിന് അവകാശമുണ്ടെന്നും ഹൈക്കോടതി വ്യക്തമാക്കി.