ബംഗളൂരു: യുക്രെയ്നില്‍ കൊല്ലപ്പെട്ട നവീന്‍ ശേഖരപ്പയുടെ മൃതദേഹം ബംഗളൂരുവിലെത്തിച്ചു. എയര്‍ ഇന്ത്യയുടെ പ്രത്യേക വിമാനത്തിലാണ് മൃതദേഹമെത്തിച്ചത്. കര്‍ണാടക മുഖ്യമന്ത്രി ബസവരാജ് ബൊമ്മെ മൃതദേഹം ഏറ്റുവാങ്ങി. പിന്നീട് നവീന്‍റെ ജന്മനാടായ ഹവേരിയിലേക്ക് മൃതദേഹം കൊണ്ടുപോയി. ഖാര്‍കീവ് നാഷണല്‍ മെഡിക്കല്‍ സര്‍വകലാശാലയിലെ നാലാംവര്‍ഷ വിദ്യാര്‍ഥിയായിരുന്ന നവീന്‍ ശേഖരപ്പ കഴിഞ്ഞ ഒന്നിനാണു കൊല്ലപ്പെട്ടത്. ബങ്കറില്‍ കഴിഞ്ഞിരുന്ന നവീന്‍ ഭക്ഷണം വാങ്ങുന്നതിനായി പുറത്തിറങ്ങിയപ്പോഴായിരുന്നു റഷ്യന്‍സേനയുടെ ആക്രമണം. ഹാവേരിയിലെ ചല്ലഗരെയിലെ വസതിയില്‍ അന്ത്യകര്‍മങ്ങള്‍ക്കുശേഷം മൃതദേഹം ദാവന്‍ഗരെയിലെ സ്വകാര്യാശുപത്രിക്കു ദാനം ചെയ്യാനാണു തീരുമാനിച്ചിരിക്കുന്നതെന്ന് നവീന്‍റെ ബന്ധുക്കള്‍ അറിയിച്ചിരുന്നു.
യുക്രെയ്നില്‍ കൊല്ലപ്പെട്ട വിദ്യാർത്ഥിയുടെ മൃതദേഹം നാട്ടിലെത്തിച്ചു
