ഇരിക്കൂർ: മാരക ലഹരി മരുന്നുമായി സിദ്ദീഖ് നഗറിൽ ഓട്ടോഡ്രൈവർ അറസ്റ്റിൽ. പെരുവളത്തുപറമ്പിലെ എം. റിയാസിനെയാണ് (29) ഇരിക്കൂർ പൊലീസ് അറസ്റ്റുചെയ്തത്. ഇയാളിൽ നിന്ന് 300 മില്ലിഗ്രാം എം.ഡി.എം.എ പിടിച്ചെടുത്തു.
നാട്ടുകാർ നൽകിയ രഹസ്യ വിവരത്തെ തുടർന്ന് സിദ്ദീഖ് നഗറിൽ ഇയാളുടെ ബൈക്ക് പൊലീസ് തടയുകയും പഴ്സിൽ സൂക്ഷിച്ച ലഹരി മരുന്ന് പിടികൂടുകയുമായിരുന്നു. ബംഗളൂരുവിൽ നിന്നാണ് എം.ഡി.എം.എ ലഭിച്ചതെന്ന് ഇയാൾ ചോദ്യം ചെയ്യലിൽ പൊലീസിനോട് പറഞ്ഞു.