ശ്രീകണ്ഠപുരം: കാർഷിക വിളകളുടെ വിലയിടിവിൽ ദുരിതമനുഭവിക്കുന്ന കർഷകരെ സഹായിക്കാൻ 250 രൂപ നിരക്കിൽ കർഷകരിൽ നിന്ന് കശുവണ്ടി സർക്കാർ നേരിട്ട് സംഭരിക്കണമെന്ന് കേരള കോൺഗ്രസ്‌-എം ജില്ലാ പ്രസിഡന്‍റ് ജോയ് കൊന്നക്കൽ ആവശ്യപ്പെട്ടു. കേരള കോൺഗ്രസ്‌-എം ശ്രീകണ്ഠപുരം മണ്ഡലം സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ജില്ലാ ജനറൽ സെക്രട്ടറി സജി കുറ്റ്യാനിമറ്റം മുഖ്യ പ്രഭാഷണം നടത്തി. ജില്ലാ സെക്രട്ടറി വി.വി. സേവി, ജില്ലാ വൈസ് പ്രസിഡന്‍റ് ബിനു മണ്ഡപം, റെജി കാര്യാങ്കൽ, ബെന്നി മഞ്ഞക്കഴക്കുന്നേൽ എന്നിവർ പ്രസംഗിച്ചു. ഭാരവാഹികൾ: ആർ.കെ. ജയൻ (പ്രസിഡന്‍റ്), തോമസ് മുല്ലപ്പളി, റോബി ഈപ്പൻ (വൈസ് പ്രസിഡന്‍റുമാർ), അലക്‌സാണ്ടർ ഇല്ലിക്കുന്നുംപുറം, പി.പി. ജിൽസ് പന്നിയാൽ, തോമസ് ആറുകാലിൽ (സെക്രട്ടറിമാർ), ബേബി പുന്നശേരി (ട്രഷറർ).