ഗുരുതര രോഗമുള്ളവര്ക്ക് കൊവിഡ് പോസിറ്റീവ് ആണെങ്കിലും ചികിത്സ നിഷേധിച്ചാല് കര്ശന നടപടി സ്വീകരിക്കാന് മുഖ്യമന്ത്രി പിണറായി വിജയന് കോവിഡ് അവലോകനയോഗത്തില് നിര്ദ്ദേശിച്ചു. ഇത് സംസ്ഥാനത്തെ എല്ലാ സര്ക്കാര് സ്വകാര്യ ആശുപത്രികള്ക്കും ബാധകമാണ്. സംസ്ഥാനത്ത് കൊവിഡ് വ്യാപനത്തില് നേരിയ കുറവ് അനുഭവപ്പെടുന്നതായി മുഖ്യമന്ത്രി പറഞ്ഞു. ആദ്യഘട്ടത്തില് കോവിഡ് വ്യാപനം വര്ദ്ധിച്ചു നിന്ന തിരുവനന്തപുരം, വയനാട്, കാസര്ഗോഡ് ജില്ലകളില് വ്യാപനം കുറഞ്ഞിട്ടുണ്ട്. ആശുപത്രികളിലും, ഐ.സി.യു വിലും പ്രവേശിപ്പിക്കുന്നവരുടെ എണ്ണം കണക്കിലെടുക്കുമ്ബോള് സ്ഥിതിഗതികള് നിയന്ത്രണത്തിലാണ്.