ഇടുക്കി: മുല്ലപ്പെരിയാറില്‍ വന്‍ സുരക്ഷാ വീഴ്ച. നാലംഗസംഘം അനധികൃതമായി ഡാമിലെത്തി. തമിഴ്നാട് ജലവിഭവ വകുപ്പ് ഉദ്യോഗസ്ഥനൊപ്പം കുമളി സ്വദേശികളായ നാലുപേരാണ് ഞായറാഴ്ച അണക്കെട്ട് സന്ദര്‍ശിച്ചത്. തമിഴ്‌നാടിന്‍റെ ബോട്ടിലെത്തിയ ഇവരെ പോലീസ് തടഞ്ഞില്ല. സംഭവം വിവാദമായതോടെ നാല് പേര്‍ക്കെതിരെയും പോലീസ് കേസടുത്തു. തമിഴ്നാട് ജലവിഭവ വകുപ്പ് ഉദ്യോഗസ്ഥനു പുറമേ കേരള പോലീസില്‍നിന്നും വിരമിച്ച രണ്ട് എസ്‌ഐമാരും ഡല്‍ഹി പോലീസില്‍ ഇപ്പോള്‍ സര്‍വീസിലുള്ള ഒരു ഉദ്യോഗസ്ഥനും അദ്ദേഹത്തിന്‍റെ മകനും സംഘത്തിലുണ്ടായിരുന്നു. തമിഴ്നാട് ഉദ്യോഗസ്ഥരുടെ ഒത്താശയോടെയാണ് ഇവര്‍ സന്ദര്‍ശനം നടത്തിയതെന്നാണ് സൂചന. ഇവരുടെ പേരുകള്‍ ഡാമിന്‍റെ ജിഡി രജിസ്റ്ററില്‍ രേഖപ്പെടുത്തിയില്ലെന്നതും ദുരൂഹത വര്‍ധിപ്പിക്കുന്നു.
- Fri. Sep 20th, 2024
Top Tags