വാഷിംഗ്ടണ്‍ ഡിസി: ഉപദ്രവിച്ചാല്‍ ഇന്ത്യ ആരെയും വെറുതെ വിടില്ലെന്ന് പ്രതിരോധമന്ത്രി രാജ്നാഥ് സിംഗ്. ചൈനയ്ക്കുള്ള സന്ദേശമായാണ് രാജ്നാഥ് സിംഗിന്‍റെ പ്രതികരണം.
സാന്‍ഫ്രാന്‍സിസ്കോയില്‍ ഇന്ത്യന്‍ കോണ്‍സുലേറ്റ് നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. ചൈനീസ് അതിര്‍ത്തിയില്‍ ഇന്ത്യന്‍ സൈന്യം കാണിക്കുന്ന ധീരതയെക്കുറിച്ചും പ്രതിരോധമന്ത്രി സംസാരിച്ചു. ഇന്ത്യന്‍ സൈനികര്‍ എന്താണ് ചെയ്യുന്നതെന്നും സര്‍ക്കാര്‍ എന്ത് തീരുമാനങ്ങളാണ് എടുക്കുന്നതെന്നും തനിക്ക് തുറന്നു പറയാന്‍ കഴിയില്ല. എന്നാല്‍ ഇന്ത്യയെ ഉപദ്രവിച്ചാല്‍ ഇന്ത്യ ആരെയും വെറുതെ വിടില്ല എന്ന സന്ദേശം ചൈനയ്ക്ക് ലഭിച്ചിട്ടുണ്ടെന്ന് തനിക്ക് തീര്‍ച്ചയായും പറയാന്‍ കഴിയുമെന്നും രാജ്നാഥ് സിംഗ് വ്യക്തമാക്കി.