കണ്ണൂര്: ഏച്ചൂര് മതുക്കോത്ത് റോഡരികില് പൊള്ളലേറ്റ നിലയില് റോഡരികില് കണ്ടെത്തിയ വയോധികന് മരിച്ചു. കാസര്ഗോഡ് നീലേശ്വരം സ്വദേശി എം ജെ ജോസഫാണ് (78) മരിച്ചത്.
കഴിഞ്ഞ വ്യാഴാഴ്ച രാത്രി 11.30-ഓടെയാണ് സംഭവം. കണ്ണൂര് ചക്കരക്കല് മതുക്കോത്ത് റോഡരികില് ആണ് ദേഹമാസകലം പൊള്ളലേറ്റ നിലയില് ഇയാളെ കണ്ടെത്തിയത്. പരിയാരം മെഡിക്കല് കോളജില് പ്രവേശിപ്പിച്ചെങ്കിലും ചികിത്സയിലിരിക്കെ ഇന്ന് രാവിലെയോടെ മരിക്കുകയായിരുന്നു.
സംഭവത്തില്, ചക്കരക്കല് പൊലീസ് കേസെടുത്ത് അന്വേഷണം തുടങ്ങി. മൃതദേഹം ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.