കണ്ണൂർ വിമാനത്താവളത്തിൽനിന്ന് മസ്കറ്റിലേക്ക് എയർ ഇന്ത്യയുടെ സർവീസ് തുടങ്ങി. ചൊവ്വ, വെള്ളി, ഞായർ ദിവസങ്ങളിലാണ് സർവീസുകൾ. കണ്ണൂരിൽനിന്ന് രാത്രി 10.20-ന് പുറപ്പെടുന്ന വിമാനം പ്രാദേശികസമയം 12.20-ന് മസ്‌കറ്റിൽ എത്തും. തിരികെ മസ്കറ്റിൽനിന്ന് 4.30-ന് പുറപ്പെടുന്ന വിമാനം 9.20-ന് കണ്ണൂരിൽ എത്തും
എയര്‍ ഇന്ത്യ കൂടി സര്‍വീസ് ആരംഭിക്കുന്നതോടെ ടിക്കറ്റ് നിരക്ക് കുറയുമെന്ന പ്രതീക്ഷയിലാണ് പ്രവാസികള്‍. നിലവില്‍ എയര്‍ ഇന്ത്യ എക്‌സ്പ്രസ്, ഗോ ഫസ്റ്റ് എന്നീ വിമാന കമ്പനികളാണ് മസ്കറ്റ്-കണ്ണൂര്‍ റൂട്ടില്‍ സര്‍വീസ് നടത്തുന്നത്.