തിരുവനന്തപുരം : ഞായറാഴ്ച പുലർച്ചെ സലാലയിലുണ്ടായ വാഹനാപകടത്തിൽ മലയാളിക്ക് ദാരുണാന്ത്യം. ആലപ്പുഴ നീർക്കുന്നം വണ്ടാനം വാളംപറമ്പിൽ ഷിയാസ് ഉസ്മാനാണ് (33) മരിച്ചത്. സലാലയ്ക്കടുത്ത് ഹരീതിൽ വെച്ചാണ് അപകടമുണ്ടാവുന്നത്.
ദുബൈയിൽനിന്ന് സലാലയിലേക്ക് യാത്ര ചെയ്യുകയായിരുന്ന കുടുംബമാണ് അപകടത്തിൽപ്പെട്ടത്. മൃതദേഹം സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുകയാണ്.
പിന്നിൽനിന്ന് വന്ന ഒരു വാഹനം ഷിയാസ് ഉസ്മാൻ സഞ്ചരിക്കുകയായിരുന്ന കാറിനെ ഇടിക്കുകയായിരുന്നു. ഷിയാസ് ഉസ്മാന്റെ ഭാര്യ തസ്നീമും മക്കളായ ഹൈഫയും ( നാല് വയസ്), ഹാദിയും (ഒരു വയസ്) സുരക്ഷിതരാണെന്നാണ് അറിയാൻ കഴിയുന്നത്.