തിരുവനന്തപുരം: ചെന്നൈയിൽ നിന്നും തിരുവനന്തപുരത്തേക്ക് വരികയായിരുന്ന ആഡംബര ബസ്സിൽ നിന്നും ഇറങ്ങിയ യാത്രക്കാരനിൽ നിന്ന് കഞ്ചാവ് പിടികൂടി. തിരുവനന്തപുരം ആനയിറ വെൺപ്പാലവട്ടം സ്വദേശി വിനോദ് (37) ആണ് ഉദിയൻകുളങ്ങരയിൽ ഇറങ്ങി മറ്റൊരു ബസ്സിൽ കയറി പോകുന്നതിനിടയിൽ പിടികൂടിയത്. റൂറൽ എസ്.പിയുടെ ആന്റി നാർകോട്ടിക് സ്ക്വാഡ് ആണ് ഇയാളെ ഓടിച്ചിട്ടു പിടികൂടിയത്.
ദേശീയപാതയിലെ അമരവിള ചെക്പോസ്റ്റിൽ വാഹന പരിശോധന നടത്തുന്നു എന്നുള്ള വിവരത്തിന്റെ അടിസ്ഥാനത്തിലാണ് കഞ്ചാവുമായി വന്ന വിനോദ് ചെക്ക് പോസ്റ്റിന് രണ്ടു കിലോമീറ്റർ മുന്നിലായി ഇറങ്ങിയത് എന്നാണ് പൊലീസ് പറയുന്നത്. തുടർന്ന് യുവാവിനെ നാട്ടുകാരുടെ സഹായത്തോടെ ഓടിച്ചിട്ടു പിടികൂടുകയായിരുന്നു. ഇയാളിൽ നിന്ന് പരിശോധനയിൽ നാല് കിലോയോളം കഞ്ചാവാണ് കണ്ടെത്തിയത്.