ഇരിട്ടി: കാക്കയങ്ങാട് പഴശ്ശിരാജ കളരി അക്കാദമിയില്‍ 63-ാമത് കണ്ണൂര്‍ ജില്ലാ കളരിപ്പയറ്റ് ചാംപ്യന്‍ഷിപ്പില്‍ പങ്കെടുത്തവരേയും വിജയികളേയും ആദരിക്കല്‍ വിജയാരവം 2022 മുഴക്കുന്ന് പഞ്ചായത്ത് പ്രസിഡന്റ് ടി.ബിന്ദു ഉദ്ഘാടനം ചെയ്തു. പഴശ്ശിരാജ കളരി അക്കാദമി പരിശീലകന്‍ പി.ഇ. ശ്രീജയന്‍, ശ്രീധരന്‍ ഗുരുക്കള്‍ പൂവത്തിന്‍കീഴില്‍, സഹ പരിശീലകന്‍ ശ്രീഷ്, വിജയികളായ കെ.ജി. ശ്രീലക്ഷ്മി, അനാമിക സുധാകരന്‍, പി.വി. അമല്‍, അനശ്വര മുരളീധരന്‍, കെ.കെ. അയന, ഗോപിക വിജയന്‍, കെ.കെ. അശ്വതി, കീര്‍ത്തന കൃഷ്ണ, സി. അഭിഷേക്, എം. അനഘ, പി. ദേവനന്ദ, എ. അശ്വിനി, കെ. അനുശ്രീ, ടി.പി. ഹര്‍ഷ, വിസ്മയ വിജയന്‍, വി.കെ. സമൃദ, വിനയ ജയദീഷ് എന്നിവരെ ആദരിച്ചു. മുഴക്കുന്ന് പഞ്ചായത്ത് സ്ഥിരസമിതി അധ്യക്ഷന്‍ വി.വി. വിനോദ് അധ്യക്ഷത വഹിച്ചു. മുഴക്കുന്ന് പഞ്ചായത്ത് അംഗങ്ങളായ ഷഫീന മുഹമ്മദ്, എ.സി. അനീഷ്, മുഴക്കുന്ന് സര്‍ക്കിള്‍ ഇന്‍സ്‌പെക്ടര്‍ രജീഷ് തെരുവത്ത്പീടിക, മുഴക്കുന്ന് പഞ്ചായത്ത് സെക്രട്ടറി അനില്‍ രാമകൃഷ്ണന്‍, പിടിഎ പ്രസിഡന്റ് വി.കെ. കുഞ്ഞിരാമന്‍, പിടിഎ അംഗം എന്‍.എല്‍. സുരേഷ്, കളരി കോ-ഓര്‍ഡിനേറ്റര്‍ സി.എ. അബ്ദുള്‍ ഗഫൂര്‍, കെ. അനുശ്രീ, അനശ്വര മുരളീധരന്‍ എന്നിവര്‍ പ്രസംഗിച്ചു.
