കണ്ണൂർ : കണ്ണൂരിൽ ബലൂൺ വിൽപനക്കാരനെ കൊലപെടുത്താൻ ശ്രമിച്ച കേസിൽ ഒരാൾ അറസ്റ്റിൽ. രാജസ്ഥാൻ സ്വദേശിയെ അടിച്ച് കൊലപെടുത്താൻ ശ്രമിച്ച തമിഴ്നാട് സ്വദേശിയാണ് അറസ്റ്റിലായത്. ഇസ്തർ രാജിനെയാണ് ഇന്നലെ വൈകുന്നേരം പഴയബസ് സ്റ്റാന്റ് പരിസരത്ത് വച്ച് കണ്ണൂർ ടൗൺ പോലീസ് അറസ്റ്റ് ചെയ്തത്.
രാജസ്ഥാൻ സ്വദേശിയായ ബർദ്ദീലാലിനാണ് മർദ്ദനമേറ്റത്. വാക്ക് തർക്കത്തെ തുടർന്ന് ഇസ്തർ രാജ് ഇഷ്ടിക ഉയോഗിച്ച് ബർദ്ദീലാലിന്റെ തലക്കടിക്കുകയായിരുന്നു. ബർദ്ദീലാലിനെ പരിക്കുകളോടെ ആശുപത്രിയിൽ പ്രവേശിപ്പിച്ചു. വധശ്രമത്തിനാണ് ഇസ്തർ രാജിനെതിരെ കേസ്. ഇസ്തർ രാജ് മുന്പും പഴയബസ് സ്റ്റാൻഡ് പരിസരത്ത് മദ്യപിച്ച് പ്രശ്നം ഉണ്ടാക്കാറുണ്ടെന്ന് പോലീസ് പറഞ്ഞു. പ്രതിയെ ഇന്ന് കോടതിയിൽ ഹാജരാക്കും.