സംസ്ഥാനത്തു ഭാഗ്യക്കുറി ഒഴികെയുള്ള സമ്മാനകൂപ്പൺ നറുക്കെടുപ്പുകൾ നിരോധിക്കുന്നു. ഇതുസംബന്ധിച്ച സർക്കാർ ഉത്തരവ് ഉടൻ പുറത്തിറങ്ങും. ഇതോടെ വ്യക്തികളും സ്ഥാപനങ്ങളും സംഘടനകളും നടത്തുന്ന സമ്മാനകൂപ്പൺ നറുക്കെടുപ്പുകൾ നിയമവിരുദ്ധമാകും. ഇതുസംബന്ധിച്ചു ഭാഗ്യക്കുറി വകുപ്പ് നിയമോപദേശം തേടി. മന്ത്രിസഭാതലത്തിൽ കൂടി ആരാഞ്ഞ് അടുത്തയാഴ്ച സർക്കാർ ഉത്തരവ് പുറപ്പെടുവിക്കും.നിലവിൽ ഭാഗ്യക്കുറിയും നറുക്കെടുപ്പും നടത്താൻ സർക്കാരിനു മാത്രമാണ് അവകാശമുള്ളത്. മറ്റു സമ്മാനക്കൂപ്പണുകൾ വിൽക്കുന്നതും നറുക്കെടുക്കുന്നതും നിയമവിരുദ്ധവും, ആറുമാസം തടവോ പിഴയോ രണ്ടുംകൂടിയോ ശിക്ഷ ലഭിക്കാവുന്ന കുറ്റവുമാണ്. എങ്കിലും സംസ്ഥാനത്തുടനീളം ഇത്തരം നറുക്കെടുപ്പുകൾ സജീവമാണ്.
- Sat. Sep 21st, 2024
Top Tags